मराठी गझल -

 जे मनाच्या आत आहे तेच बोलू भेटल्यावर

आठवांचे बंद गाठोडेहि खोलू भेटल्यावर

बोलता आले न काही जे कधीही आपल्याला

भेद काही एकमेकांचेच खोलू भेटल्यावर

मोजमापे लावली होती तुझ्या माझ्यात तेव्हा

काल ज्या केल्या चुका त्या आज तोलू भेटल्यावर

राखरांगोळीच झाली आपल्याही भावनांची

कोरड्या ओल्या जुन्या जखमाच सोलू भेटल्यावर

मीच राधा,रुक्मिणीही, मीच आहे बासरीही

शाम तू होऊन ये बेधुंद डोलू भेटल्यावर

किरण पिंपळशेंडे ©